Skip to content

Update sa Progress ng Privacy

Mula pa noong 2019, nag-invest kami ng mahigit sa $8 bilyon sa pagbuo at patuloy na pagbago sa aming mahigpit na programa sa privacy.

Talaan ng Mga Nilalaman

01. PAANO NAMIN ITO GINAGAWA

Ngayon, mahigit 3,000 tao sa buong kumpanya ang pangunahing nakatuon sa privacy. Sa gitna ng investment na ito ay mga team, teknolohiya at mga proseso na bumubuo ng mga proteksyon sa privacy sa aming mga produkto at gumagawa ng oversight at accountability para sa mature na programa sa privacy sa hindi pa nagagawang scale.

Photo of Chief Privacy Officer of Product Michel Protti on Meta’s Menlo Park campus

“Nabatid namin na kinailangan namin ng mas maraming investment sa privacy—ang sandaling iyon ay noong tag-init ng 2019. Malaki ang tindi ng pagbabago para sa Meta—nangailangan ito ng mga pagbabago sa foundation sa aming mga tao, proseso at technical infrastructure, at oversight at accountability. At patuloy kaming nag-iinvest sa pagprotekta sa data ng mga tao habang nagbabago ang mga system, teknolohiya at mga inaasahan.”


—Michel Protti, Chief Privacy and Compliance Officer sa Produkto

Pamamahala

Ang aming gawa sa privacy ay sinusuportahan ng mga internal na structure sa pamamahala na nagsasama sa privacy at mga pamantayan sa paggamit ng data sa mga operation ng kumpanya.

Habang patuloy naming isinasama ang privacy sa kumpanya, nagsama kami ng mga privacy team sa mga grupo mg produkto na nagpapalalim sa pag-unawa ng mga konsiderasyon sa privacy sa pamamagitan ng pagbibigay ng kadalubhasaan sa bawat grupo ng produkto. Pinahihintulutan ng mga team na ito ang front-line ownership ng mga responsibilidad sa privacy sa aming mga produkto. Mayroon kaming matibay at nagtutulungan na proseso para isama ang mga kinakailangan sa privacy sa mga roadmap ng produkto sa buong Meta. Dalawang beses sa isang taon, naglalaan ang mga product team ng karaniwang 6-8 linggo sa privacy roadmapping, naglalaan ng bahagi ng kanilang mga roadmap sa pagbuo ng bago at pinahusay na mga proteksyon sa privacy.

Pinangngungunahan ng Chief Privacy at Compliance Officer sa Prokto, na si Michel Protti, ang Product Compliance and Privacy team ay binubuo ng dose-dosenang team, parehong teknikal at hindi teknikal, na nakatuon sa paggabay sa mga estratehiya sa privacy ng kumpanya.

Ang Product Compliance and Privacy Team ay nasa sentro ng mga pagsisikap ng aming kumpanya para mapanatili ang komprehensibong programa sa privacy. Ang misyon nito—na maglagay ng responsableng mga kasanayan at pahintulutan ang innovation sa buong Meta—ay ginagabayan ang trabahong ito sa pamamagitan ng pagtiyak na nauunawaan at pinagkakatiwalaan ng mga tao kung paano ginagamit ng mga produkto at serbisyo ng Meta ang kanilang data sa responsableng paraan.

Ang Product Compliance and Privacy Team ay isang organisasyon lang sa marami sa buong kumpanya na responsable para sa privacy. Mayroong libo-libong tao sa iba’t ibang organisasyon at tungkulin sa buong Meta, kabilang ang pampublikong patakaran, legal at mga product team, na nagsusumikap para mailagay ang privacy sa lahat ng aspeto ng operation ng aming kumpanya. Ang tamang pamamaraan sa privacy ay isang lubhang cross-functional na pagsisikap, at naniniwala kami na ang lahat sa Meta ay responsable para sa pagsisikap na iyon.

Pinangungunahan ni Erin Egan, Vice President at Chief Privacy Officer sa Patakaran, pinangungunahan ng mga team lead sa Patakaran sa Privacy at Data ang aming pakikipag-ugnayan sa pandaigdigang pampublikong discussion tungkol sa privacy, kabilang ang mga bagong framework sa regulasyon, at sinisigurado na ang feedback mula sa mga gobyerno at eksperto sa buong mundo ay binibigyan ng konsiderasyon sa disenyo ng aming produkto at mga kasanayan sa paggamit ng data.

Para gawin ito, kinokonsulta ng Privacy and Data Policy team na ito ang mga grupong ito sa pamamagitan ng iba’t ibang mekanismo sa pagkonsulta. Noong 2024, kasama rito ang:

  • Patuloy na mga pagkonsulta sa mga eksperto bilang bahagi ng proseso ng aming product development, at para i-inform ang aming pangmatagalang pamamaraan sa privacy
  • Mga workshop (kasama ang Data Dialogues) at iba pang mga pagpupulong tungkol sa mga masalimuot na tanong tungkol sa privacy
  • Pagpopondo sa mga eksperto para magsagawa ng mga "deep dive" na konsultasyon kasama namin tungkol sa kung paano namin mapapahusay ang mga aspekto ng aming programa sa privacy
  • Pagsuporta sa mga inisiyatiba sa buong industriya tulad ng Trust, Transparency and Control Labs (TTC Labs) at Open Loop na bumubuo ng mga makabagong solution na tumutulong sa amin at sa iba na responsableng bumuo ng teknolohiya
  • Pagho-host ng regular na conversation series at annual Global Innovation and Policy Flyout kasama ng mga nangungunang eksperto sa privacy mula sa buong mundo para pag-usapan ang hanay ng mga paksa sa patakaran sa privacy na dapat tugunan agad.

Sinusuportahan namin at lumalahok kami sa mga conference ng industriya at iba pang mga event na nagpo-promote ng privacy at ibinabahagi ang mga pagsulong sa mga kasanayan sa privacy. Noong 2024, ibinahagi namin ang aming mga pagsulong sa mga teknolohiya na nagpapahusay sa privacy sa Conference on Privacy Engineering Practice and Respect ng USENIX, at best practices sa pamamahala at pananagutan sa mga conference ng IAPP kasama ng mga propesyonal sa privacy at pamamahala sa bawat bahagi ng mundo. Mga pagkakataon ito para sa amin na magbahagi sa at matuto mula sa mga eksperto, para matiyak na isinasaalang-alang namin ang kanilang mga pananaw habang bumubuo ng mga produkto at patakaran.

Nakikipagtulungan din kami sa iba’t ibang mga eksperto sa pamamagitan ng mga advisory group, na pinalawak namin noong 2024. Ginagawa ang mga grupong ito para sabihin ang paggawa ng desisyon ng Meta sa pinakabago at pinakamasalimuot na mga tanong na kinakaharap namin habang bumubuo kami ng mga makabagong teknolohiya. Noong 2024, kumonsulta kami sa mga grupong nakatuon sa:

Ang Privacy Legal team ay kasama sa disenyo at sa patuloy na pagpapatupad ng aming programa, at nagbibigay ng payo sa mga hinihiling ng batas sa haba ng aming proseso sa pagsusuri ng privacy.

Ang Privacy and Product Compliance Committee ay hiwalay na committee ng aming Board of Directors na nagpupulong nang kada quarter man lang at mayroong responsibilidad para sa pangangasiwa ng privacy at pagsunod ng produkto. Ang Committee ay binubuo ng mga independent director na maraming experience na naglilingkod sa katulad na mga tungkulin sa pangangasiwa. Isang beses kada quarter, nakakatanggap sila ng mga briefing sa, global policy landscape, bukod sa iba pang bagay, ang kalagayan ng aming programa sa privacy, at ang status ng assessment ng independent na third-party sa aming programa sa privacy.

Ang Internal na Pag-audit ay nagdadala ng hiwalay na pagtiyak sa kabuuang kalagayan ng aming programa sa privacy at ang sumusuportang framework sa kontrol.

Paggawa ng Kultura ng Privacy

Bahagi ng pagtiyak na nauunawaan ng lahat ang kanilang tungkulin sa pagprotekta ng privacy sa Meta ay ang panghihikayat sa patuloy na pag-aaral at edukasyon tungkol sa privacy na maraming training at mga awareness campaign tungkol sa internal privacy.

Ang mahalagang bahagi ng aming pamamaraan sa pagtuturo tungkol sa privacy ay hinahatid sa pamamagitan ng aming privacy training. Kasama sa aming privacy training ang mga batayang elemento ng privacy at binuo ito para tulungan ang lahat ng nandito sa Meta na maramdamang may kakayahan sila na malaman ang mga panganib sa privacy at gumawa ng mga responsableng desisyon na tutulong na pumigil sa mga ito, para maipagmalaki naming lahat hindi lang ang binubuo namin, pero pati rin kung paano namin ito binubuo. Ang isang pangunahing tema ay ang pagtiyak na alam ng mga tauhan ng Meta na sila ang nangungunang dapat magprotekta sa mga panganib sa privacy at pigilan ang mga nasabing panganib.

Sa pamamagitan ng eLearning format nito, ang aming annual na privacy training at ang aming mga privacy training course para sa mga bagong hire at mga bagong contingent worker ay nagbibigay ng mga halimbawa ng mga pagsasaalang-alang tungkol sa privacy na batay sa senaryo na alinsunod sa mga operation ng aming negosyo at may kasamang assessment para subukan ang pag-unawa ng mga kaugnay na konsepto sa privacy. Ina-update ang mga training na ito at dine-deploy taon-taon para matiyak na kasama ang mga nauugnay na impormasyon bukod sa mga mahalagang konsepto.

Kasama ng aming privacy training na kailangan bilang basehan, nagpapanatili rin kami ng catalog ng lahat ng alam na privacy training na dine-deploy sa buong Meta na maraming topic at panganib.

Ang isa pang paraan ng paghikayat namin sa kamalayan ng buong kumpanya tungkol sa privacy ay sa pamamagitan ng regular na komunikasyon sa mga empleyado. Bilang karagdagan sa aming mga privacy training course, nagbibigay kami ng patuloy na privacy content sa pamamagitan ng mga internal communication channel, mga update mula sa leadership ng Meta, mga internal na Q&A session, at nakalaang Privacy Day.

Gumagamit kami ng mga mahalagang event tulad ng Data Privacy Day para hikayatin ang pagtuon ng pansin ng buong kumpanya sa privacy, nagpi-feature ng mga pag-uusap mula sa mga leader ng Meta, at binibigyang-diin ang mga pangunahing konsepto sa privacy at mga prayoridad sa pamamagitan ng nakakahikayat na content at mga event.

Proseso ng Pagiging Handa ayon sa Regulasyon

Mayroon kaming nakalaang team na ang trabaho ay tumulong na tiyaking sumusunod ang kumpanya sa mga pandaigdigang regulasyon sa privacy at data. Para magawa ang layuning ito, gumawa kami ng komprehensibo, end-to-end na proseso na tumutulong sa aming matukoy at matugunan ang mga external na obligasyon sa regulasyon. Binibigyan ng prosesong ito ang kumpanya ng pinagsamang view sa lahat ng magiging mga obligasyon sa regulasyon at proseso na maaaring malaman ang dapat asahan para suportahan ang mga tugon namin.

Pagtukoy at Pag-assess sa Panganib sa Privacy

Ginawa namin ang aming Privacy Risk Management program para matukoy at ma-assess ang mga panganib sa privacy na may kaugnayan sa kung paano namin kinokolekta, ginagamit, ibinabahagi, at sino-store ang data ng user. Ginagamit namin ang prosesong ito para tukuyin ang mga tema ng panganib, pahusayin ang aming privacy program, at maghanda para sa mga compliance initiative sa hinaharap.

Mga Proteksyon at Kontrol

Nagdisenyo kami ng mga proteksyon, kabilang ang mga proseso at teknikal na kontrol, para tugunan ang mga panganib sa privacy. Bilang bahagi ng pagsusumikap na ito, nagsasagawa kami ng mga internal evaluation sa disenyo at bisa ng mga proteksyon para pigilan ang panganib sa privacy.

Pagma-manage ng mga Isyu

Bumubuo kami ng centralized na Issue Management function para mapabilis ang self-identification at remediation ng mga isyu sa privacy. Ang prosesong ito ay pinalalawak ang lifecycle ng pagma-manage ng isyu sa privacy mula intake at triage, pagpaplano tungkol sa remediation at pagsasara nang may ebidensya.

Privacy Red Team

Bumuo kami ng privacy red team na ang tungkulin ay maagap na subukan ang aming mga proseso at teknolohiya para matukoy ang mga posibleng panganib sa privacy. Ang tungkulin ng Privacy Red Team ay mga external o internal party na sinusubukang takasan ang aming mga kontrol at proteksyon sa privacy, na tumutulong sa aming maagap na matukoy ang mga bahaging dapat naming paghusayan ang aming control environment.

Pagma-manage ng Insidente

Gaano man katibay ang aming mga pagbabawas at proteksyon sa panganib, kailangan din namin ng proseso para (1) tukuyin kapag posibleng sirain ng isang event ang pagiging kumpidensyal, integridad, o availability ng data na responsibilidad ng Meta, (2) imbestigahan ang mga sitwasyong iyon, at (3) gawin ang anumang kinakailangang hakbang para tugunan ang mga kakulangang natukoy namin.

Ang aming programa sa Pagma-manage ng Insidente ay tumatakbo sa buong mundo para pangasiwaan ang mga proseso kung saan namin kinikilala, sinusuri, binabawasan, at ginagawan ng paraan ang mga insidente sa privacy. Bagaman pinangungunahan ng Privacy at Data Practices team ang proseso ng incident management, ang mga privacy incident ay reponsibilidad ng lahat ng nasa Meta. May mahalagang mga tungkulin ang mga team sa buong kumpanya, kasama ang mga legal at product team. Patuloy kaming nag-iinvest ng oras, mga mapagkukunan, at lakas sa pagbuo ng isang multi-layered na programa na patuloy na nagbabago at humuhusay at binibigyang-diin namin ang tatlong component ng aming pamamaraan sa ibaba.

Gumagamit kami ng layered approach sa pagprotekta sa mga tao at sa kanilang impormasyon—na kinabibilangan ng pagpapatupad ng mga proteksyon na dinisenyo para makita kaagad ang mgabug, bago pa maging probelma ang mga ito. Dahil sa lawak kung saan kami nag-ooperate, nag-invest kami nang husto sa pagbuo at pag-deploy ng malawak na saklaw ng mga automated tool na inilaan para matulungan kaming matukoy at maayos ang mga potensyal na isyu sa privacy nang maaga at mabilis hangga’t maaari. Dinisenyo ang mga automated system na ito para makita ang mga insidente nang real time para mapabilis ang mabilis na pagtugon.

Syempre, gaano man ang naging kakayahan ng aming mga automated system, ang pangangasiwa at pagsisikap ng aming mga empleyado ay palaging may ginagampanang kritikal na tungkulin sa pagtulong na matukoy at maayos nang maagap ang mga insidente. Regular na sinusuri ng aming mga engineering team ang aming mga system para matukoy at maayos ang mga insidente bago makaapekto ang mga ito sa mga tao.

Mula noong 2011, nagpatakbo kami ng programa ng bug bounty kung saan tumutulong ang mga external researcher na mapahusay ang seguridad at privacy ng aming mga produkto at system sa pamamagitan ng pagre-report ng mga potensyal na kahinaan sa seguridad sa amin. Ang mga malalaman ng mga researcher ay maaaring humantong sa karagdagang imbestigasyon at remediation ng Meta, kung kinakailangan. Tinutulungan kami ng programa na sukatin ang mga pagsisikap sa pag-detect at mas mabilis na ayusin ang mga isyu para mas maprotektahan ang aming komunidad, at ang mga bounty na ibinabayad namin para sa mga kwalipikadong participant ay hinihikayat ang mas mataas na kalidad ng pagsasaliksik sa seguridad.

Sa nakaraang 10 taon, mahigit sa 50,000 researcher ang sumali sa programang ito at humigit-kumulang 1,500 researcher mula sa buong mundo ang napagkalooban na ng mga bounty.

Bagaman pinagtibay namin ang ilang proteksyon para magbantay laban sa mga insidente sa privacy tulad ng walang pahintulot na pag-access sa data, kung may mangyayaring insidente, naniniwala kami na ang transparency ay isang mahalagang paraan para muling mabuo ang tiwala sa aming mga produkto, serbisyo at proseso. Dahil dito, hindi lang para sa pag-aayos at aral mula sa aming mga pagkakamali, kasama sa Incident Management program ang mga hakbang para i-notify ang mga tao kung naaangkop, tulad ng post sa aming Newsroom o aming Privacy Matters blog tungkol sa mga isyu na nakakaapekto sa aming komunidad, o nakikipagtulungan sa nagpapatupad ng batas o iba pang mga opisyal para matugunan ang mga insidenteng nahanap namin.

Pamamahala sa Third-Party

Ang mga third party ay mga external na partner na nakikipagnegosyo sa Meta pero hindi pag-aari o pinapatakbo ng Meta. Ang mga third party na ito ay karaniwang nabibilang sa dalawang pangunahing kategorya: ang mga nagbibigay ng serbisyo sa Meta (tulad ng mga vendor na nagbibigay ng suporta sa website design) at ang mga bumubuo ng kanilang mga negosyo gamit ang aming platform (tulad ng mga app o API developer). Para mabawasan ang mga panganib sa privacy na dala ng pakikipagpalitan ng data at personal na impormasyon sa mga third party, bumuo kami ng third party na programa sa pamamahala at pag-manage, na responsable para sa pamamahala sa mga third party na panganib at pagpapatupad ng mga naaangkop sa proteksyon sa privacy.

Gumawa rin kami ng proseso sa third party privacy assessment para ma-assess at mabawasan ng mga service provider ang panganib sa privacy. Kailangan ng aming proseso na mapailalim din ang mga service provider na ito sa mga kontrata na may mga proteksyon sa privacy. Tinutukoy ng kanilang profile ng panganib kung paano mino-monitor, nire-reassess at kung saan naaangkop, kung aling mga aksyon sa pagpapatupad ang gagawin bilang resulta ng mga paglabag, kasama ang pagtapos sa pakikibahagi.

Bilang bahagi ng patuloy na commitment ng Meta sa pagsulong sa ligtas at nakatuon sa privacy na developer ecosystem, nag-launch kami ng mga bagong resource at inisiyatiba na dinisenyo para suportahan ang responsableng paggamit ng data at patibayin ang integridad ng aming platform.

Hub ng Mga Inisiyatiba para sa Responsableng Platform: Nag-launch kami ng bagong Hub ng Mga Inisiyatiba para sa Responsableng Platform para i-centralize ang pamamaraan ng Meta sa privacy at seguridad sa aming mga third party developer, pagtibayin ang aming commitmen sa ligtas at responsableng mga kasanayan sa data sa lahat ng aming platform. Ang hub na ito ay nagbibigay ng mga resource at komprehensibong patnubay sa aming mga programa na may kaugnayan sa pagsunod, responsableng mga kasanayan sa development at ang mga tool na tumutulong sa mga developer na sumunod sa mga pamantayan ng Meta sa privacy. Sa pamamagitan ng hub, maaaring ma-access ng mga developer ang mga resource na may kaugnayan sa aming mga patakaran at responsableng mga kasanayan sa platform, sinusuportahan ang mas ligtas at mas malinaw na ecosystem.

Pag-access at Pag-renew ng Data: Nagpakilala kami ng bagong pinag-isang proseso para i-request, i-manage at i-renew ang access ng developer sa data, na patitibayin ang aming commitment na gawing simple ang platform at bumuo ng mga bagong developer tool. Sa ilalim ng pag-renew ng access sa data, sumasailalim ang mga developer sa isang regular na assessment lang isang beses sa isang taon para ma-confirm ang patuloy na pagsunod sa mga pamantayan ng Meta sa privacy at proteksyon ng data at Mga Tuntunin ng Platform. Ang prosesong ito ay nangangailangan sa mga developer na malinaw na muling kumpirmahin ang pagsunod nila sa mga pamantayan ng Meta sa proteksyon ng data at Mga Tuntunin, at bigyang-diin kung paano at bakit ginagamit ang bawat uri ng data. Sa pagsasama-sama sa developer experience, umaasa kaming i-streamline ito para matugunan ng mga developer ang aming requirements at magbigay ng maaasahang seguridad at privacy sa kanilang mga end user.

Anti-Scraping

Ang aming anti-scraping team ay inilaan para ma-detect, maimbestigahan at maharangan ang mga pattern ng gawi na nauugnay sa walang pahintulot na scraping. Ang scraping ay ang naka-automate na pagkolekta ng data mula sa website o app at maaaring may pahintulot o walang pahintulot ito. Paglabag sa aming mga tuntunin ng serbisyo ang paggamit ng automation para mag-access o kumolekta ng data mula sa mga platform ng Meta nang walang pahintulot namin.

Patuloy kaming nag-iinvest sa infrastructure at mga tool para gawing mas mahirap para sa mga scraper na makakolekta ng data mula sa aming mga serbisyo at gawing mas mahirap para kumita mula dito kung makuha man nila ito. Kasama sa mga halimbawa ng mga pamumuhunang ito ang mga limitasyon sa rate at limitasyon sa data. Naglalagay ng cap ang mga limitasyon sa rate sa dami ng beses ng pwedeng makipag-interact ang sinuman sa aming mga produkto sa loob ng tinukoy na panahon, habang pinipigilan ng mga limitasyon sa data ang mga tao mula sa pagkuha ng higit pang data na kailangan nila para normal na magamit ang aming mga produkto.

Gumagamit kami ng mga internal na ginawang user at content identifier pagkatapos naming maobserbahan na kadalasang kinabibilangan ang walang pahintulot na scraping ng panghuhula o pagbili ng mga nasabing identifier. Gumagamit din kami ng mga bagong pseudonymized identifier na tumutulong na mapigilan ang walang pahintulot na data scraping sa pamamagitan ng pagpapahirap sa mga scraper na mahulaan, makakonekta at paulit-ulit na ma-access ang data.

Na-block namin ang bilyun-bilyong hinihinalang mga walang pahintulot na pag-scrape bawat araw sa Facebook at Instagram, at gumawa kami ng iba’t ibang aksyon laban sa walang pahintulot na mga scraper kabilang ang pag-disable sa mga account at pag-request sa mga kumpanyang nagho-host ng na-scrape na data na i-delete ito.

Pagsusuri ng Privacy

Ang proseso ng Pagsusuri ng Privacy ay mahalagang bahagi ng pagbuo ng mga bago at na-update na mga produkto, serbisyo at mga kasanayan sa Meta. Sa pamamagitan ng prosesong ito, ina-assess namin kung paano gagamitin ang data at poprotektahan bilang bahagi ng bago o na-update na mga produkto, serbisyo at kasanayan. Sinusuri namin ang humigit-kumulang na 1,400 produkto, feature at mga kasanayan sa data bawat buwan sa buong kumpanya bago ipadala ang mga ito para ma-assess at mabawasan ang mga panganib sa privacy.

Komal Lahiri, VP Privacy Review

“Ipinagkakatiwala sa amin ng bilyun-bilyong tao ang kanilang privacy araw-araw. Ang Pagsusuri ng Privacy ay mahalaga sa pagtangap ng tiwala na iyon at tumutulong ito na matiyak na makakapag-innovate kami sa responsableng paraan. Ang pangunahin naming layunin ay ipakita sa aming mga user at regulator na natutugunan namin ang aming mga obligasyon sa privacy at nagagawa ito nang tama.”


—Komal Lahiri, VP ng Governance, Risk, at Compliance, Product

Bilang bahagi ng proseso, sinusuri ng cross-functional team ng mga eksperto sa privacy ang mga posibleng panganib sa privacy na nauugnay sa proyekto at tinutukoy kung may anumang pagbabago na kailangang mangyari bago i-launch ang proyekto para mabawasan ang mga panganib na iyon. Kung mayroong hindi pagkakasundo sa pag-assess ng mga naaangkop na panganib o mga pagbawas sa iminumungkahing produkto, hinihiling ng proseso sa mga team na i-escalate sa product at policy leadership at sa huli ay sa CEO para higit pang i-evaluate at magdesisyon.

Ang pagbuo ng aming mga bago o binagong produkto, serbisyo o kasanayan sa pamamagitan ng proseso ng Pagsusuri ng Privacy ay ginagabayan ng aming internal na mga inaasahan sa privacy, na kinabibilangan ng:

  1. Limitasyon sa Layunin: Iproseso lang ang data para sa isang limitado at malinaw na nakasaad na layunin na nagbibigay ng halaga sa mga tao.
  2. Pag-minimize ng Data: Kolektahin at gawin ang minimum na dami ng data na kailangan para suportahan ang malinaw na nakasaad na mga layunin.
  3. Pagpapanatili ng Data: Panatilihin lang ang data hangga’t ito ay talagang kinakailangan para suportahan ang malinaw na nakasaad na mga layunin.
  4. Maling Paggamit ng External na Data: Protektahan ang data mula sa pang-aabuso, hindi sinasadyang pagkawala, at pag-access ng walang pahintulot na mga third party.
  5. Transparency at Kontrol: Ipaalam ang gawi ng produkto at mga kasanayan sa data nang maagap, malinaw at matapat. Kung kailan pwede at naaangkop, bigyan ng kontrol ang mga tao sa ating mga kasanayan.
  6. Pag-access at Pagma-manage ng Data: Bigyan ang mga tao ng kakayahang i-access at i-manage ang data na aming nakolekta o ginawa tungkol sa kanila.
  7. Pagiging Patas: Bumuo ng mga produkto na kumikilala at nagbabawas ng panganib para sa mga mahinang populasyon, at tiyakin na ang halaga ay ginawa para sa mga tao.
  8. Accountability: Panatilihin ang internal na proseso at mga teknikal na control sa lahat ng aming mga desisyon, produkto, at kasanayan.

Nag-invest din kami sa mga pagsusuri ng pag-verify at centralized na platform para suportahan ang pag-operate ng proseso ng Pagsusuri ng Privacy nang malawakan:

  • Centralized Platform: Ang aming platform ay one-stop-shop para sa pagma-manage ng lahat ng aspeto ng proseso ng Pagsusuri ng Privacy. Ang sentral na lugar na ito ay pinapayagan ang mga team na ma-manage nang mahusay ang kanilang mga pagsusuri, requirements at mga desisyon sa privacy.
  • Mga pagsusuri ng pag-verify: Ang Pagsusuri ng Privacy ay may kasamang technical implementation review phase para suriin, i-verify at idokumento ang technical implementation ng mga pagbawas sa panganib ng privacy. Isinasama ang prosesong ito sa aming mga software development tool, tumutulong na matiyak na talagang ipinapatupad ang napagkasunduan sa Pagsusuri ng Privacy. Sa pag-automate ng hakbang na ito sa pag-verify, patuloy naming mapapanatili ang aming commitment sa privacy ng user.
Bumalik sa Itaas
02. Mga Teknikal na Investment sa Privacy

Nag-iinvest kami sa mga teknolohikal na innovation na nagpapalawak at nagpapahusay sa aming pamamaraan sa privacy. Sa pamamagitan ng paglalagay ng privacy sa mga tool at proseso ng Meta, maaaring maisip ng mga team ang tungkol sa Privacy sa unang bahagi ng lifecycle ng product development at magbigay ng mga benepisyo ng privacy para sa aming mga user.

“Ang pag-invest sa infrastructure ay tumutulong na matiyak na kasama ang privacy sa lahat ng binubuo namin. Pinapayagan kami nitong ipatuloy ang pagbuo ng makabago at mahalagang mga produkto para sa mga tao sa paraan na ligtas ang privacy.”

—Michel Protti, Chief Privacy at Compliance Officer, Product

Photo of two people collaborating

Gumawa kami ng malaking hakbang sa pagpapahusay sa aming proseso sa Pagsusuri ng Privacy sa pamamagitan ng pag-invest sa teknolohiya. Partikular na, naglabas kami ng framework ng desisyon sa produkto na nagpahusay sa consistency at standardization sa aming mga pagsusuri. Pinahintulutan kami ng framework na ito na ma-automate at ma-streamline ang proseso ng pagsusuri sa pamamagitan ng paggamit ng mga nakaraang pagsusuri sa mga magkakatulad na proyekto, at direktang inilagay ang mga kontrol sa privacy sa aming mga engineering tool. Pinahintulutan kami ng mga pagbabagong ito na masuri ang mahigit sa 1,400 pag-launch buwan-buwan habang nananatiling naaalinsunod sa mga pamantayan ng privacy.

Patuloy naming pinahuhusay at binubuo ang aming infrastructure na may kamalayan sa privacy— nang makabago at mahusay na mga paggawa na kasama sa mga infrastructure solution ng Meta na nagpapahintulot sa mga engineer na mas madaling matugunan ang masalimuot na mga requirements sa privacy habang bumubuo sila ng mga produkto. Direktang inilalagay ng infrastructure na may kamalayan sa privacy ang mga rule sa privacy sa code, na tumutulong na matiyak na awtomatikong sinusunod ang mga requirements. Halimbawa, bumuo kami ng mga Policy Zone na ginagamit sa lahat ng aming infrastructure para matugunan ang mga paghihigpit sa data, tulad ng paggamit lang nito para sa mga pinapayagang layunin, pagbibigay ng matibay na mga garantiya para sa paglilimita sa mga layunin ng pagpoproseso nito. Patuloy na mahalaga ang PAI sa pagpapatupad ng masalimuot na mga senaryo sa paglilimita ng layunin habang tinitiyak ang scalability, pagiging maaasahan at naka-streamline na developer experience.

Maagap naming binabawasan ang dami ng user data na kinokolekta at ginagamit namin sa pamamagitan ng pag-deploy ng mga makabagong tools at teknolohiya sa Meta. Patuloy kaming nag-iinvest sa privacy-enhancing technologies (mga PET)—mga teknolohiya na batay sa advanced cryptographic at statistical na mga paraan na tumutulong na bawasan ang data na kinokolekta, pinoproseso at ginagamit namin at nagsusumikap kaming i-open source ang gawain na ito sa mga sitwasyon kung saan kapaki-pakinabang ito para sa mas malawak na ecosystem, kasama ang mga PET para sa AI sa pamamagitan ng PyTorch. Dagdag pa rito, ang aming mga investment sa mga PET ay tumulong na bigyang-daan ang bagong cryptographic security feature sa WhatsApp na tumutulong na ma-verify na secure ang iyong koneksyon at pag-uusap batay sa key transparency. Binabawasan ng feature na ito ang posibilidad ng panggagaya ng third party sa tao o negosyo na gustong kumonekta ng user at magbahagi ng naka-encrypt na mga message, sa pamamagitan ng pag-check sa validity ng mga public key sa pag-uusap laban sa server-side directory na nagso-store ng mga public key na may kasamang impormasyon ng user at pagkatapos ay magbibigay ng audit record na available sa publiko at pinapanatili ang privacy para sa sinuman para ma-verify na hindi na-delete ang data o binago sa directory.

Katulad din nito, bumuo kami ng framework para sa pag-alis ng code at asset na gumagabay sa mga engineer sa pamamagitan ng ligtas at mahusay na pag-deprecate ng produkto. Ang pag-deprecate ng mga produkto ay masalimuot na dapat gawin na kinabibilangan ng internal at external na mga dependency, kasama ang mga pagdepende sa iba pang mga produkto ng Meta na hindi mismo kasama sa pag-alis. Para matugunan ito, ang aming Systemic Code at Asset Removal Framework (SCARF) ay kinabibilangan ng workflow management tool na nakakatipid ng oras ng mga engineer sa pamamagitan ng pagtukoy sa mga dependency pati rin ang tamang pagkakasunod-sunod ng mga gawain para linisin ang isang produkto. Dagdag pa rito, ang SCARF ay kinabibilangan ng mga subsystem para sa ligtas na pag-alis ng dead code pati rin ang mga hindi nagamit na uri ng data.

Binibigyan ng kakayahan ng SCARF ang mga deprecation project na pinangungunahan ng tao kasama ang milyun-milyong code at data asset na awtomatiko nitong nalinis. Higit pa itong kapaki-pakinabang para sa aming mga privacy team, na gumagamit ng tool para ma-monitor ang progress ng patuloy na mga product deprecation at matiyak na makukumpleto ang mga ito nang nasa oras.

Bumalik sa Itaas
03. Mga Kinalabasan ng Produkto sa Privacy

Kami ay naging kumpanya sa paggawa ng produkto na binibigyan ng prayoridad ang privacy, tinitiyak na mula sa simula hanggang sa paghahatid, ang anumang produkto o feature ay isinasaalang-alang ang mga implikasyon sa privacy mula sa simula. Bahagi ito ng aming commitment na maghatid ng privacy sa mga bagong innovation ng produkto at mga update sa mga dati nang produkto. Para patibayin ang commitment na ito, mahalagang bahagi ng pag-evaluate sa performance ang Privacy para sa aming mga engineering team.



Makikita mo ito sa maraming halimbawa ng mga produktong na-ship namin:

Mula pa noong 2016, pinoprotektahan na ang mga personal na pag-uusap sa WhatsApp sa pamamagitan ng end-to-end na pag-encrypt, na nangangahulugang walang sinuman mula sa labas ng mga chat ng user, kahit ang WhatsApp o meta ang maaaring makabasa o makarinig ng mga ito. Noong 2023, nagsimula kaming mag-roll out ng default na end-to-end na pag-encrypt para sa lahat ng personal na one-to-one na mga chat at tawag sa Messenger, na ginagawang mas pribado at ligtas ang mga ito. Tinitiyak nito na walang makakakita ng iyong mga message maliban sa iyo at sa ka-chat mo.

Inabot ito ng ilang taon para maibigay dahil naglaan kami ng oras para maitama ito. Walang tigil na nagtrabaho ang aming mga engineer, cryptographer, designer, mga eksperto sa patakaran at mga product manager para muling bumuo ng mga feature ng Messenger mula sa simula. Ang pag-enable sa end-to-end na pag-encrypt sa Messenger ay nangangahulugan sa pangunahing muling pagbuo sa maraming aspeto ng paggamit ng mga protokol para mapahusay ang privacy, seguridad, at kaligtasan habang sabay na pinapanatili ang mga feature na naging dahilan para maging napakasikat ng Messenger. Ang aming pamamaraan ay gamitin ang mga natutunan dati mula sa parehong Mga Sikretong Pag-uusap sa WhatsApp at Messenger, (ang maagang opsyonal na ino-offer na end-to-end na pag-encrypt ng Messenger), at pagkatapos ay balikan ang aming pinakamahirap na mga problema tulad ng multi-device na kakayahan, suporta sa feature, message history, at web support. Sa prosesong ito, nagbigay kami ng mga bagong feature sa privacy, kaligtasan at kontrol tulad ng app lock at mga kontrol sa pag-deliver na pinapayagan ang mga tao na piliin kung sino ang pwedeng mag-message sa kanila, habang pinagaganda ang dati nang mga feature sa kaligtasan tulad ng pag-report, pag-block at mga message request. Sa WhatsApp, kung saan end-to-end na naka-encrypt ang lahat ng personal na chat at tawag bilang default, nag-launch kami ng bagong naka-encrypt na storage system, na binuo gamit ang Auditable Key Directory ng WhatsApp, na nagbibigay sa mga user ng kakayahang ligtas na i-save at i-restore ang kanilang mga contact sa WhatsApp.

Pinakamahalaga rito, ang end-to-end na pag-encrypt ay tungkol sa pagprotekta sa mga komunikasyon ng mga tao, para maging ligtas ang pakiramdam nila sa pagpapahayag ng kanilang mga sarili sa kanilang mga kaibigan at mahal sa buhay. Mahigpit kaming nakikipagtulungan sa mga eksperto sa labas, academics, mga advocate at mga gobyerno para matukoy ang mga panganib at bumuo ng mga mitigation para matiyak na magkaagapay ang privacy at kaligtasan. Gumamit kami ng hiwalay na pag-assess ng epekto sa mga karapatang pantao at dinisenyo ang aming mga produkto para mapigilan ang pinsala sa disenyo, nagbigay ng matibay na mga user control at nag-invest sa maagap na pagtukoy ng pang-aabuso.

Ang Ray-Ban Meta glassess ay pinapayagan kang kumuha ng litrato o mag-record ng video mula sa iyong point of view, makinig sa musika o sumagot ng tawag—nang hindi inilalabas ang iyong telepono. Binago ang disenyo ng Ray-Ban Meta glassess nang may mas mataas na kalidad na camera, pinagandang audio at mga microphone system, at mga bagong feature, tulad ng livestreaming at built-in na Meta AI, para hindi mo kailangang pumili sa pagitan ng pagkuha ng moment at pag-experience nito.

Ang Ray-Ban Meta glasses ay binuo ng isinasaalang-alang ang privacy, at nagsisilbing malinaw na proofpoint ng aming commitment sa responsableng innovation at privacy ayon sa disenyo. Isinama namin ang stakeholder feedback—na nakuha namin dati noong ni-launch namin ang Ray-Ban Stories—sa makabuluhan at tangible na paraan.

  • Mas kapansin-pansin na ngayon ang capture LED at nakikita nang may ibang signaling pattern—mula sa solid papunta sa nagbi-blink—para sa mas matagal na pag-capture (video recording, live streaming).
  • Nagpakilala rin kami ng tamper detection feature para maiwasan ang mga user na mag-record habang ganap na natatakpan ang capture LED. Kung ganap na natatakpan ang capture LED, hindi magagamit ng user ang camera at aabisuhan siya na alisin ang takip bago magpatuloy.
  • Ang Meta View companion app ay nagpapatuloy na magbigay ng madaling access sa privacy settings para ma-manage ang impormasyon at karagdagang data sharing sa Meta.

Ni-launch namin ang Instagram Teen Accounts, isang bagong experience para sa mga teenager, na ginagabayan ng mga magulang. Ilalagay din ang Mga Teen Account sa iba pang platform ng Meta. Ang Mga Teen Account ay mayroong naka-built in na proteksyon na naglilimita sa kung sino ang pwedeng kumontak sa mga teenager at ang content na nakikita nila. Awtomatikong ilalagay ang mga teenager sa Mga Teen Account, at ang mga teenager na wala pang 16 na taon ay kailangan ng pahintulot ng magulang para baguhin ang anumang default na naka-built in na mga proteksyon para gawin itong hindi gaanong mahigpit.

  • Mga pribadong account: Default na mga pribadong account para sa mga teenager na wala pang 16 na taon, na hihilingin sa kanilang tumanggap ng mga bagong follower. Sa default na mga pribadong account, kailangang tanggapin ng mga teenager ang mga bagong follower at ang mga taong hindi sila pina-follow ay hindi makikita ang kanilang content o magagawang makipag-ugnayan sa kanila.
  • Mga paghihigpit sa pagme-message: Inilalagay ang mga teenager sa pinakamahigpit na settings sa pagme-message at pwede lang ma-message ang mga taong pina-follow nila o na nakakonekta na sila.
  • Mga paghihigpit sa sensitibong content: Awtomatikong inilalagay ang mga teenager sa pinakamahigpit na setting para sa pagkontrol ng sensitibong content, na naglilimita sa uri ng sensitibong content na nakikita ng mga teenager sa mga lugar na tulad ng Explroe at Reels.
  • Mga limitadong pakikipag-interact: Maaari lang ma-tag o ma-mention ang mga teenager ng mga taong pina-follow nila.

Mga Feature ng Supervision para sa Mga Magulang: Bagaman hindi mababasa ng mga magulang ang mga message ng kanilang mga teenager, makikita nila kung sino ang pinadalhan ng message ng kanilang teenager sa nakalipas na pitong araw.

Marami pang detalye rito.

Nag-launch kami ng bagong mga feature ng generative AI, kasama ang mga AI sticker, image editing gamit ang AI, ang aming AI assistant na kilala bilang Meta AI na umaabot sa aming mga app, at 28 bagong AI character. In-update namin ang Privacy Center guide sa Generative AI at iba pang transparency resource para may impormasyon ang mga tao sa kung paano namin ginagawa ang aming mga AI model, kung paano gumagana ang aming mga feature, at kung anu-anong mga opsyon at mga karapatan sa data ng privacy ang mayroon sila sa kanilang rehiyon.

Ang aming “Why am I seeing this?” tool ay patuloy na tinutulungan ang mga tao na maintindihan kung bakit nila nakikita ang mga ad na nakikita nila sa mga Facebook at Instagram feed. Ang isang mahalagang update ay i-summarize ang impormasyon sa mga paksa tungkol sa kung paano mabibigyan ng impormasyon ng aktibidad sa loob at labas ng aming mga teknolohiya—tulad ng pag-like ng post sa Facebook page ng kaibigan o pagbisita sa website ng sports—ang mga machine learning model na ginagamit namin para bumuo at magpakita ng mga ad na nakikita. Nagbigay din kami ng mga bagong halimbawa at larawan na nagpapaliwanag kung paano kumokonekta ang aming mga maching learning model sa iba’t ibang paksa para magpakita ng mga may kaugnayang ad. Dagdag pa rito, nagbigay kami ng higit pang paraan para mahanap ng mga user ang aming mga ad control, magbibigay ng availability para ma-access ang Mga Ads Preference mula sa mga karagdagang page sa “Why am I seeing this ad?” tool.

Ang Meta Content Library at Content Library API ay mga research tool na nagbibigay sa mga kwalipikadong tao ng access sa naka-public na content mula sa Facebook, Instagram at Threads. Ang mga tao ay maaaring hanapin, i-explore at i-filter ang data sa parehong graphical user interface o sa pamamagitan ng programmatic API.

Kasama sa maa-access na data ang mga post mula sa mga Facebook Page, group, event, at mga profile, mga post mula sa mg Instagram account at mga post mula sa mga Threads profile. Ang mga detalye tungkol sa content, tulad ng bilang ng mga reaksyon, pag-share, comment at mga post view ay available rin.

Nakipag-partner ang Meta sa Inter-university Consortium for Political and Social Research (ICPSR) sa University of Michigan upang mag-share ng naka-public na data mula sa Meta technologies sa paraang responsable at nagpapanatili ng privacy. Pinahihintulutan ang partnership na ito sa pamamagitan ng inisiyatiba ng ICPSR na Social Media Archive (SOMAR) na nangunguna sa industriya. Ang SOMAR ay hiwalay na nagpoproseso at sumusuri ng mga application para sa access sa Meta Content Library at Content Library API.

Kasama sa aming gawain na makipag-communicate nang transparent ang pagbibigay ng external na edukasyon para mapabuti ang pag-unawa at kamalayan ng mga tao sa aming mga kasanayan, at pagtiyak na naa-access at madaling mahanap ang impormasyon.

  • Patakaran sa Privacy, na nagdedetalye sa kung paano namin kinokolekta, ginagamit, ibinabahagi, pinapanatili at tina-transfer ang impormasyon, pati rin kung anong mga karapatan at kontrol ang mayroon ang mga tao sa kanilang privacy.
  • Privacy Center, kung saan makakapunta ang mga tao para mas mauunawaan ang aming mga kasanayan para makagawa sila ng mga desisyon tungkol sa kanilang privacy nang batay sa kaalaman, sa paraang angkop para sa kanila. Sa pamamagitan ng edukasyon at access sa mga kontrol sa privacy at seguridad, tinutugunan namin ang ilan sa mga pinakakaraniwang alalahanin sa privacy mula sa bilyon-bilyong tao na naglalaan ng kanilang oras kasama namin araw-araw. Maraming module ang Privacy Center kasama ang pagbabahagi, pagkolekta, paggamit, seguridad, kabataan, generative AI, at mga ad, para direktang ikonekta ang isyu o alalahanin sa mga nauugnay na kontrol sa privacy at seguridad na binuo namin sa aming mga app at serbisyo sa paglipas ng taon.
  • Data at Privacy Section ng Newsroom, kung saan kami nagbibigay ng higit pang impormasyon tungkol sa kung paano namin pinamamahalaan ang privacy sa konteksto ng mga partikular na feature o isyu.

Para magbigay ng mas maraming transparency at kontrol sa mga tao, bumuo kami ng maraming privacy tools para maunawaan ng mga tao kung ano ang ibinabahagi nila at kung paano ginagamit ang kanilang impormasyon kabilang ang:

  • Pag-check sa Privacy: Ginagabayan ang mga tao sa pamamagitan ng mahalagang settings sa privacy at seguridad sa Facebook para tumulong na patibayin ang seguridad ng account at i-manage kung sino ang makakakita ng ibinibahagi nila at kung paano ginagamit ang kanilang impormasyon. Ang Pag-check sa Privacy ay mayroong limang natatanging paksa para tulungan ang mga tao na makontrol kung sino ang makakakita ng ibinabahagi nila, kung paano ginagamit ang kanilang impormasyon at kung paano patitibayin ang seguridad ng kanilang account.
    • Ang Sino ang Makakakita sa Ibinabahagi Mo ay tinutulungan ang mga tao na masuri kung sino ang makakakita ng kanilang impormasyon sa profile, tulad ng kanilang phone number at email address, pati rin ang kanilang mga post.
    • Tinutulungan ng Paano Pananatilihing Secure ang Iyong Account ang mga tao na patibayin ang seguridad ng kanilang account sa pamamagitan ng pag-set ng mas matibay na password at pag-on sa two-factor authentication.
    • Ang Paano Ka Mahahanap ng Mga Tao sa Facebook ay pinapayagan ang mga tao na masuri ang mga paraan na maaari kang hanapin ng mga tao sa Facebook at kung sino ang pwedeng magpadala sa iyo ng mga friend request.
    • Ang Iyong Data Settings sa Facebook ay pinapayagan ang mga tao na masuri ang impormasyong ibinabahagi nila sa mga app na nag-log in sila gamit ang Facebook. Maaari rin nilang alisin ang mga app na hindi na nila ginagamit.
    • Ang Iyong Mga Ad Preference sa Facebook ay nagbibigay ng impormasyon sa kung paano gumagana ang mga ad sa aming Mga Produkto, pinapayagan ang mga tao na magpasya kung anong impormasyon sa profile ang maaaring gamitin ng mga advertiser para magpakita sa kanila ng mga ad, at pinapayagan silang makontrol kung sino ang makakakita ng kanilang mga social interaction, tulad ng mga pag-like, kasama ang mga ad.
  • I-manage ang Aktibidad: Pinapayagan ang mga tao na i-manage ang mga post nang maramihan gamit ang mga filter para tulungan kang ayusin at hanapin ang content na hinahanap nila, i-like ang mga post na may partikular na tao o mula sa partikular na range ng petsa. Kasama din dito ang kontrol sa pag-delete na nagbibigay ng mas permanenteng opsyon, para mailipat ng mga tao ang mga lumang post sa trash nang maramihan. Pagkatapos ng 30 araw, ide-delete ang mga post na ipinapadala sa trash, maliban kung pipiliin nilang manu-manong i-delete o i-restore ang mga ito bago lumipas ang mga araw na iyon.
  • Accounts Center: Ang Accounts Center ay ang lugar para tulungan ang mga tao na ma-manage ang mga connected experience at baguhin ang settings ng account sa kanilang mga Facebook, Instagram at Meta account. Pwedeng piliin ng mga tao na magdagdag ng mga Facebook, Instagram, at Meta account sa parehong Accounts Center, na nagpapahintulot sa kanilang:
    • I-manage ang mga connected experience sa lahat ng mga account sa parehong Accounts Center, tulad ng magkakasabay na pagbabahagi ng mga post o mga story sa maraming profile, at pag-log in sa iba’t ibang account. Alamin pa.
    • I-manage ang mga indibiduwal na setting para sa bawat account sa Accounts Center, tulad ng mga personal na detalye, password at seguridad, at ang iyong impormasyon at mga pahintulot. Alamin pa.
      • I-download ang Iyong Impormasyon at I-access ang Iyong Impormasyon: Sa Accounts Center settings, nagbibigay ang Meta ng mga tool para gawing kapaki-pakinabang at madaling mahanap ang mga impormasyon ng mga tao sa aming mga produkto, tulad ng Log ng Aktibidad, I-access ang Iyong Impormasyon at I-download ang Iyong Impormasyon). Bilang pagsusumikap na patuloy na pahusayin ang mga tool na ito, noong Pebrero 2024, nagsimula kaming magsama ng Mga Log ng Data sa I-download ang Iyong Impormasyon, na nagbibigay sa mga tao ng mas maraming data tungkol sa kung paano nila ginagamit ang aming mga produkto. Kasama sa Mga Log ng Data ang mga bagay na tulad ng impormasyon tungkol sa content na tiningnan nila sa Facebook, mga interaction sa labas ng Meta technologies at mga bagay na inirekomenda namin batay sa kanilang aktibidad.
    • Magkakasabay na i-manage ang settings sa lahat ng account kung nasa parehong Accounts Center ang mga ito, tulad ng mga ad preference at aktibidad sa labas ng Meta technologies (na nagbibigay ng summary ng aktibidad na ibinabahagi sa amin ng mga negosyo at organisasyon tungkol sa mga interaction ng mga tao, tulad ng pagbisita sa kanilang mga app o mga website, at binibigyan ang mga tao ng opsyon na i-disconnect ang kanilang nakaraang aktibidad sa account nila). Alamin pa.
  • Meta Quest and Horizon:
    • Settings ng Privacy: Pwede mong piliin kung gaano ka magiging ka-social at kung paano ibabahagi sa iba ang iyong impormasyon sa pamamagitan ng privacy settings mo. Ang privacy settings na pinipili mo sa Meta Quest o sa Meta Horizon app ay magiging pareho rin sa mayroon ka sa Meta Horizon Worlds. Pwede mong i-manage ang iyong settings sa Meta Horizon app at sa Meta Quest. Pwede mong gawing naka-public o pribado ang iyong Meta Horizon profile, ang iyong Online Status ay pinapayagan kang makontrol kung ibabahagi kapag online ka o nag-online ka kamakailan, at ang Itago ang aktibidad sa app ay pinapayagan kang itago ang iyong aktibidad para sa mga partikular na app. Ang social privacy settings sa Meta Horizon OS ay simple at madaling ma-access mula sa mga control ng settings ng Quest o sa mga control ng settings ng Horizon World.
    • Sensor Lock Para sa Quest: Ang bagong sensor lock feature ay inaalis ang power sa mga external na camera at mikropono ng iyong headset sa ilang sitwasyon, tulad ng kapag nag-sleep ang headset. At ang mga sensor na iyon ay nananatiling naka-OFF ang power hanggang sa aktwal mong pindutin ang power button ng headset—kaya mananatili kang may kontrol. Nagsimula ang sensor lock bilang opsyonal na feature sa Quest 3 at isasama na sa lahat ng darating na model. Ang mga nakaraang Quest device ay ino-OFF ang mga external camera at mikropono sa software sa halip na direktang i-OFF ang power.
    • Mga Account na mina-manage ng magulang: Pwedeng mag-set up ang mga magulang ng mga Meta account na mina-manage ng magulang para sa 10-12 taong gulang (maaarnig mag-iba ang mga edad), na nagpapahintulot sa mga teenager na ma-access ang malawak na hanay ng nakakawili at nagtuturong content sa VR – na may kasamang mga proteksyon na angkop sa edad na ginawa para lang sa kanila.
Bumalik sa Itaas
04. PATULOY NA COMMITMENT SA PRIVACY

Nakatuon kami sa privacy at nakatuon sa patuloy na pagpapahusay.

“Ang pagtatama sa privacy ay isang tuloy-tuloy at sama-samang investment sa aming kumpanya, at responsibilidad ng lahat sa Meta na isulong ang aming misyon.” —
Michel Protti, Chief Privacy Officer, Product

Ang pagprotekta sa data ng mga user at privacy ay mahalaga sa aming business at sa aming mithiin sa hinaharap. Para gawin ito, patuloy naming nire-refine at pinahuhusay ang aming privacy program at ang aming produkto, habang tinutugunan namin ang mga nagbabagong inaasahan at mga development sa teknolohiya—nakikipagtulungan sa mga gumagawa ng patakaran at mga eksperto sa pagprotekta ng data para maghanap ng mga solusyon sa mga hindi karaniwang hamon—at ibinabahagi ang aming progress sa paggawa nito.

Bumalik sa Itaas